Offerynnau Statudol sydd ag Adroddiadau Clir
10 Hydref 2022
Gweithdrefn: Cadarnhaol
Mae'r Rheoliadau hyn yn:
- Dirymu'r diwygiadau dros dro sy'n gysylltiedig â'r coronafeirws a wnaed yn 2020[1] i ofynion ar ddarparwyr gwasanaethau cartrefi gofal, sy’n gyfan gwbl neu'n bennaf ar gyfer oedolion, ac ar wasanaethau cymorth cartref i oedolion. Nod y diwygiadau hyn oedd cefnogi darpariaeth gofal cymdeithasol brys i oedolion, lle'r oedd angen hyn o ganlyniad i ledaeniad y coronafeirws, a symleiddio'r gwiriadau cyn cyflogi sy'n ofynnol ar gyfer gweithwyr preswyl a gofal cartref newydd, mewn sefyllfaoedd lle'r oedd yn anodd cael gafael ar y wybodaeth hon.
- Diwygio’r disgrifiad o fangreoedd 'Categori C'[2] i egluro eu bod yn cynnwys mangreoedd neu sefydliadau perthnasol yr oedd person wedi'i gofrestru yn gysylltiedig â hwy o dan unrhyw Ddeddf berthnasol (h.y. unrhyw Ddeddf, ac eithrio Deddf Rheoleiddio ac Arolygu Gofal Cymdeithasol (Cymru) 2016, a oedd yn darparu rheolaeth a goruchwyliaeth reoleiddiol o'r fath yn flaenorol mewn gwasanaethau sy’n seiliedig ar lety yng Nghymru).
Rhiant-Ddeddf: Ddeddf Rheoleiddio ac Arolygu Gofal Cymdeithasol (Cymru) 2016
Fe’u gwnaed ar: Heb ei nodi
Fe’u gosodwyd ar: Heb ei nodi
Yn dod i rym ar: 01 Tachwedd 2022
Offerynnau Statudol sydd ag Adroddiadau Clir
10 Hydref 2022
SL(6)264 – Rheoliadau Digartrefedd (Angen Blaenoriaethol a Bwriadoldeb) (Cymru) 2022
Gweithdrefn: Cadarnhaol
Mae’r Rheoliadau hyn yn diwygio Deddf Tai (Cymru) 2014 (“Deddf 2014”) a Rheoliadau Digartrefedd (Bwriadoldeb) (Categorïau Penodedig) (Cymru) 2015 (“Rheoliadau 2015”).
Mae rheoliad 2 yn diwygio Deddf 2014 i bennu disgrifiad pellach o berson sydd ag angen blaenoriaethol am lety at ddibenion Pennod 2 o Ran 2 o’r Ddeddf honno. Mae’r Bennod honno yn gosod dyletswyddau ar awdurdodau tai lleol i gynorthwyo pobl sy’n ddigartref neu o dan fygythiad o ddigartrefedd.
Mae rheoliad 3 yn gwneud newid cyfatebol i Reoliadau Digartrefedd (Bwriadoldeb) (Categorïau Penodedig) (Cymru) 2015.
Prif effaith y Rheoliadau yw y bydd pobl sy'n ddigartref ac ar y stryd, a'r bobl hynny y gellid disgwyl yn rhesymol i berson sy'n ddigartref ac ar y stryd breswylio gyda hwy, mewn angen blaenoriaethol am lety. Bydd y newidiadau a gyflwynir gan y Rheoliadau hyn yn galluogi awdurdodau lleol i barhau i fabwysiadu polisïau cymorth digartrefedd sy'n dilyn yn agos yr ymateb digartrefedd brys i bandemig y coronafeirws.
Rhiant-Ddeddf: Ddeddf Tai (Cymru) 2014
Fe’u gwnaed ar: Heb ei nodi
Fe’u gosodwyd ar: Heb ei nodi
Yn dod i rym ar: 24 Hydref 2022